ترامپ؛ دەستگیری “سیخووڕەکانی سی ئای ئەی” لە لایەن ئێرانەوە درۆیەکی بێ بنەمایە

ترامپ؛ دەستگیری “سیخووڕەکانی سی ئای ئەی” لە لایەن ئێرانەوە درۆیەکی بێ بنەمایە

سەرۆک کۆماری ئەمریکا ڕاپۆرتە بڵاوکراوەکانی کۆماری ئیسلامی "تەواو ساختە” زانی و دەستگیری جاسووسە ئەمریکاییەکانی لە لایەن ئێرانەوە بە "درۆی بێ بنەما” وەسف کرد.

دۆناڵد ترامپ ڕۆژی دوو شەممە ٣١ی پووشپەڕ لە تویتێک دا نووسی؛ "ڕاپۆرتەکانی پەیوەست بە دەستگیری جاسووسەکانی سی ئای ئەی لە لایەن ئێرانەوە تەواو ساختەیەدۆڕی بێ بنەما و هەڵبەستراون.”

ئەو هەروەها نووسیویەتی؛ "تەنیا درۆ و پروپاگاندای زۆرتر (وەک داستانی خستنەخوارەوەی فڕۆکە بێ فڕۆکەوانەکەیانلە لایەن ڕژیمی ئایینی کە بە جۆرێکی خراپ فەشەلی هێناوە و نازانێت چی بکات.

سەرۆک کۆماری ئەمریکا وتی؛ "ئابوورییان فەوتاوە و خراپتریش دەبێت، دۆخی ئێران تەواو خراپە.”

بەر لە تویتەکەی ترامپ، مایک پەمپێئۆ وەزیری دەرەوەی وڵاتە یەکگرتووەکانی بە تۆڕی میدیای فاکس نیوزی وتبوو نایەوێت دەربارەی ئەم ئیدیعایەیە لێدوانێکی تایبەت بدات، بەڵام "ڕژیمی ئێران پێشینەیەکی دوور و درێژی لە درۆ هەڵبستن هەیە.”

وەزارەتی ئیتلاعاتی ئێران ڕۆژی دوو شەممە ڕایگەیاند کە ١٧ کەسی بە تۆمەتی "سیخووڕی بۆ ڕێکخراوی سی ئا ئەی” دەستگیر کردووە و هەندێک لەوان بە ئیعدام سزا دراون.



ئه‌م بابه‌ته 193 جار خوێنراوه‌ته‌وه‌‌


PM:05:11:22/07/2019