ئاسۆی رۆژ

بە پێی هەواڵێک کە بە ناوەندی هەواڵنێری ئاسۆی ڕۆژهەڵات گەیشتووە، بەداخەوە ڕۆژی پێنجشەممە ڕێکەوتی ٧ی ڕەشەمەی ١٣٩٩ی هەتاوی، کاک "جەبار عەزیزی" خەڵکی شاری مریوان و یەکێک لە ئەندامان و دۆستە بە وەفاکانی کۆمەڵە بە هۆی نەخۆشینەوە ماڵئاوایی لە ژیان کرد.

کاک جەبار عزیزی لە سەرەتای هاتنەسەرکاری رژیم، بەهۆی چالاکی سیاسی، دەستبەسەر کرا و پاشان بۆ شاری بەندەر عەباس تەبعید کرا.

کاک جەبار عەزیزی لە ساڵی ٢٠٠١ی زاینیی، ساڵێ دوای جیابوونەوەی کۆمەڵە لە حیزبی کۆمۆنیستی ئێران پێوەندی بە تەشکیلاتی زاگرۆسەوە گرت و ئامادەیی خۆی بۆ کار و چالاکی لە بەشی رێکخستنی نهێنی کۆمەڵە لە ناوخۆی کوردستان دەربڕی. بە هۆی کار و چالاکی بەردەوامی لە پێناو ئامانجەکانی کۆمەڵەدا لە ساڵی ٢٠٠٥ی زایینی کرایە ئەندامی ڕەسمی کۆمەڵە و زیاتر لە جاران ئەرکە حیزبییەکانی بە جێ دەگەیاند.

کاک جەبار و بنەماڵەکەی بە هۆی خەباتکاری وەفاداریان بە کۆمەڵە و هەروەها کاک "فایەق عەزیزی" برای کاک جەبار و هەشت کەسی دیکە لە شۆڕشگێڕانی شاری مەریوان لە لایەن خەلخالیەوە ئێعدام کران.

گیان لەدەست دانی کاک جەبار عەزیزی خەسارێکی گەورەبوو کە لە کۆمەڵە و هاوڕێ و هاوسەنگەرانی کەووت.

بە ناوەی ناوەندی ڕاگەیاندنی کۆمەڵە سەرخۆشی خۆمان ئاراستەی بنەماڵە، خزم و کەسووکاری کاک جەبار دەکەین و خۆمان بە شەریکی خەمیان دەزانین. یادی کاک جەبار عەزیزی بەرز و بەڕێز بێت.

ناوەندی ڕاگەیاندی کۆمەڵە

٨ی ڕەشەمەی ١٣٩٩ی هەتاوی

٢٦ی فۆرییەی ٢٠٢١ی زاینیی

ئه‌م بابه‌ته 206 جار خوێنراوه‌ته‌وه‌‌