راوەدوونانی ئۆتۆمبیلی کاسبکارەکان، کوژران و برینداربوونی دوو کەسی لێکەوتەوە

بە پێی هەواڵێک کە بەناوەندی هەواڵی رۆژهەڵات گەیشتووە، شەوی پێنج شەممە ٢٦ی گوڵان، لە جاددەی بیجاڕ – زەنجان هێزە ئینتزامی و چەکدارەکانی رژیم کەوتوونەتە شوێن ماشینێکی لەجۆری پژۆ کە گومانیان کردوە باری پێ بێت و بە هۆی ڕاوەدوو نانی ماشێنەکەوە لە لایەن هێزەچەکدارەکانی رژیمەوە، ماشێنەکە وەرگەڕاوەو کەسێک بە ناوی "حسام موحبی" خەڵکی سەقز گیانی لە دەستداوەو کەسێکیتریش بریندار بووە.

ئەمە دووهەمجارە لە چەند هەفتەی رابردوودا رووداوی لەم چەشنە رووبدات. رۆژی شەممە ٢١ی بانەمەڕ، هێزە چەکدارەکانی رژیم لە جاددەی کانی جەژنی نزیک سەقز، تەقەیان لە ماشێنێک کردو کە گومانیان کردوە کە باری قاچاخی پێیە و بەو هۆیەوە کاسبکارێک بە ناوی "کەیوان رەزا زادە" ٢٥ ساڵ تەمەن بە تەقەی راستەوخۆی هێزەچەکدارەکانی رژیم گیانی لە دەستداوەو کاسبکارێکیتر بە ناوی "عەتا رەسووڵزادە" بە سەختی بریندار بووە.


AM:12:12:18/05/2019




ئه‌م بابه‌ته 259 جار خوێنراوه‌ته‌وه‌‌