خێمە نشینی کرێکاران لە کوردستان پەرەی سەندوە

بە پێی هەواڵەکان هەموو ساڵیک لە سەرەتای مانگی ڕەزبەرەوە تا  کۆتاییەکانی مانگی خەزەڵوەر کرێکارانی کۆچه‌ری کورد بۆ کار کردن لە زەوینەکانی کشتوکاڵی پەتاتە لە لەیلاخ ڕوو لەو ناوچەیە دەکەن، کە بە هۆی نەبوونی خانۆ لە ڕووی ناچاری لە چادر وخێمەدا ژیان بەسەر دەبەن.

هەواڵنێری ئاسۆی ڕۆژهەڵات لە ناوچەی لەیلاخ ڕایگەیاند; زۆربەی کرێکارانی کۆچه‌ر خەڵکی ناوچەی کرماشانن، کە بە هۆی نەبوونی هەلی کار و ڕووداوەکانی ئەم دوایانە لەوانە بوومەلەرزە و لافاوەکانی  ناوچەی کرماشان، ڕوویان لە ناوچەی لەیلاخ کردوە و کرێکاران و بنەماڵەکانیان ناچارن لەم وەرزە ساردەی ساڵدا لە ناوچەی لەیلاخ کە هەندێک کات پلەی سەرمای ژێر "سفر" ژیان بەسەر بەرن.
سیاسه‌ته‌ هه‌ڵه‌ و چه‌وته‌كانی كۆماری ئیسلامی له‌ بواری ئابووری هۆكاری سه‌ره‌كی به‌ فیڕۆدانی سه‌روه‌ت و سامانی خه‌ڵكی و ئێرانه‌ و له‌ لایه‌كی دیكه‌وه‌ ڕوانگه‌ی ئه‌منییه‌تی و سه‌رمایه‌گوزاری نه‌كردن له‌ ناوچه‌ كوردستانییه‌كان هه‌ڵاواردنیه‌كانی له‌ چاوباقی ناوچه‌كانی دیكه‌ی ئێران هۆكاری سه‌ره‌كی بێكاری به‌رین و دۆخی ناله‌باری ژیانی كورده‌كانی ئێرانه‌.

PM:07:00:21/10/2019




ئه‌م بابه‌ته 99 جار خوێنراوه‌ته‌وه‌‌


زۆرترین خوێنراو‌