داسەپاندنی حوکمی ١ ساڵ زیندانی بەسەر چالاکێکی ژنی کورد

ئاسۆی ڕۆژهەڵات: بە پێی هەواڵەکان "فەرزانە جەلالی" چالاکی بواری ژنان لە لایەن شوعبەی ١ی دادگای ئینقلابی شاری "کرماشان" حوکمی ١ ساڵ زیندانی بە تۆمەتی پڕوپاگەندە دژی نیزام، بەسەردا داسەپا.

ناوبراو لە ٥ی ڕەشەممەی١٣٩٥، لە لە سەر شەقام بە شێوەیکی ناجۆر دەستگیر و دواتر لە ڕۆژی ٢٣ی ڕەشەممەی ١٣٩٥ بە دانانی بارمتەی ٣٠٠ میلیۆن تممەنی ئازاد کرا.
پێویستە بوترێ دوای ئازاد بوونی ناوبرا چەندی جار لە لایەن ناوەندە ئەمنیەتییەکانی ڕژیمەوە بانگهێشت و داوای هاوکاری لێ کرابوو و سەرەئەنجام ئەم هەوڵ و گوشارانەی ناوەندەکانی ڕژیم، فەرزانەی ناچار بە دەرچوون لە ئێران کرد.
فەرزانە جەلالی؛ خەڵکی هەورامان و لە دایکبووی ساڵی ١٣٦٤ی هەتاویی و خویندنی باڵای لە زانستگای تاران لە بواری ئینسان ناسی و بەرپرسی پێشووی ڕۆژنامەی "صبح"ی زانستگای تاران بوو، ناوبراو سەرەڕای ئەوەی کە پلەی ٦ی تاقیکردنەوەی کنوکوری کارناسی باڵای لە ئاستی ئێران بەدەستهێنابوو، ساڵی ١٣٨٩لە درێژەدان بە خوێندن مەحرووم کرا.


AM:11:15:19/05/2020




ئه‌م بابه‌ته 388 جار خوێنراوه‌ته‌وه‌‌


زۆرترین خوێنراو‌