بریندار بوونی ٤ مێرمنداڵ بە هۆی تەقینەوەی مین

بریندار بوونی ٤ مێرمنداڵ بە هۆی تەقینەوەی مین



ئاسۆی ڕۆژهەڵات/ ڕۆژی پێنجشەممە ڕێکەوتی ١٦ی بەفرانباری ساڵی ١٤٠٠ی هەتاوی، ٤ مێر منداڵ بە ناوەکانی "زوڵفەقار موارد خانی " تەمەن ١٤ساڵ ، "سامان موراد خانی" تەمەن ١٢ساڵ ، "عرفان فەڕزی" تەمەن ١٣ساڵ و ''زوڵفەقار فەڕزی " تەمەن ١٥ساڵ "خەڵکی شاری مێهران سەر بەپارێزگای ئیلام لە ناوچە سنوورییەکان بەهۆی تەقینەوەی مین زۆر بەسەختی برینداربوون.

بەوتەی سەرچاوە خۆجییەکان، ئەم مینە لە ( کەنجاچەم یان چەرمگ)ی سەربەشاری مێهران تەقیوەتەوە و ئەم مێر منداڵانە لە کۆچەرییەکان ومەڕدارانی ئەو دەوروبەرە بوون .

شایانی باسە کە ساڵانە هەژمارێکی زۆر لە خەڵکی مەدەنی ئێران تووشی تەقینەوەی مینی بە جێماوی شەڕی ئێران و عێراق دەبن کە یا گیانیان لەدەست ئەدەن یان زۆر بەسەختی بریندار دەبن و کۆماری ئیسلامی ڕێگە چارەیەکی بۆ ئەو مینە بە جێماوانە نەبینیوەتەوە.




ئه‌م بابه‌ته 191 جار خوێنراوه‌ته‌وه‌‌


AM:09:21:08/01/2022