پێشمەرگەیەکی دێرینی کۆمەڵە لە شاری بانە ماڵاوایی لە ژیان کرد

پێشمەرگەیەکی دێرینی کۆمەڵە لە شاری بانە ماڵاوایی لە ژیان کرد


بە پێی هەواڵێک کە بە ناوەندی راگەیاندنی کۆمەڵە گەیشتووە، بە داخەوە رۆژی پێنج شەممە رێکەوتی ۲۹ی مانگی گوڵانی ساڵی ۱٤۰۱ی هەتاوی، کاک رەسوڵی ئەحمەدی ناسراو بە  (باوک خدر) پێشمەرگە و هاوڕێی دێرینی کۆمەڵە خەڵکی شاری بانە بە هۆێ نەخۆشی دڵەوە ماڵاوایی لە ژیان کرد.

کاک رەسول کەسایەتییەکی سیاسی و شۆڕشگێڕ بوو کە لە بزوتنەوەی٤٦ و ٤٧ی کوردوستانی رۆژهەڵات دا بەشدار بوو بۆ ماوەیەک کەوتە زیندان لە پادگانی جەڵدیان.

لە دوای روخانی رژیمی پاشایەتی بە فەرمی هاتە ناو ریزی پێشمەرگەکانی کۆمەڵە و  بۆ ماوەی چەند ساڵێک لەو بۆرەدا خزمەتی کردوە.

دوای ساغ بوونەوەی کۆمەڵە کاک رەسول یەکێک لە چالاکانی ئەو قۆناغە بوو و پێوەندی نوێ لە گەڵ هاوڕێیانی کۆمەڵە گرێداوە و لە هەموو بوارەکانی سیاسی، تەبلیغاتی و تەنانەت یارمەتی دانی تیمی پێشمەرگەکانی کۆمەڵەدا چالاک بوو بۆ ماوەیەکیش کەوتە بەر ئازار و ئەزیەتی دام و دەزگا ئەمنییەکانی کۆماری ئیسلامی لە شاری بانە.

 بە ناوی ناوەندی راگەیاندنی کۆمەڵە، پرسە و سەرەخۆشی خۆمان ئاراستەی بنەماڵەی بەڕێزی ئەحمەدی و دۆستان و هاوڕێیانی کاک ئەحمەد دەکەین و خۆمان بە شەریکی خەم و پەژارەیان دەزانین.

ناوەندی راگەیاندنی کۆمەڵە





ئه‌م بابه‌ته 215 جار خوێنراوه‌ته‌وه‌‌


PM:01:17:20/05/2022