پێشمەرگەیەکی دێرینی کۆمەڵە ماڵاوایی لە ژیان کرد



بە پێی هەواڵێک کە بەناوەندی هەواڵنێری ئاسۆی ڕۆژهەڵات گەیشتووە، بەداخەوە ڕۆژی سێشەممە ڕێکەوتی
۷ی بەفرانباری ساڵی ١٤٠٠ی هەتاوی، هاوڕێ و پێشمەرگەیەکی دێرینی کۆمەڵە بە ناوی ( عومەر دانش پەروەر ) ناسراو بە عومەر کۆنەدێ خەڵکی شاری مەهاباد ماڵاوایی لە ژیان کرد.

کاک عومەر پێشتر و لە دەیەی ٦٠ی ھەتاویی پێشمەرگەی کۆمەڵە بوو و سیمایەکی خۆشەویست و شۆڕشگێری بزووتنەوەی ئازادیخوازانەی کوردستان و کۆمەڵە بوو لە ناوچەی مەهاباد و تا دوایین ساتەکانی ژیانی وەفادار بە ئامانجەکانی کۆمەڵە مایەوە.

بە ناوی ناوەندی راگەیاندنی کۆمەڵەوە، پرسە و سەرەخۆشی خۆمان ئاراستەی بنەماڵە و کەسوکاری کاک عومەر دەکەین و خۆمان بە شەریکی خەم و پەژارەیان دەزانین.

ناوەندی راگەیاندنی کۆمەڵە




AM:09:28:30/12/2021




ئه‌م بابه‌ته 508 جار خوێنراوه‌ته‌وه‌‌